ՀՀ ՀԾԿՀ-ի պատվիրակությունը 2012 թվականի հունիսի 15-ին, երկօրյա աշխատանքային այցով մեկնել է ԼՂՀ:
15 Հունիսի 2012
ԱՄՓՈՓՎՈՒՄ ԵՆ ՀԱՄԱՏԵՂ ԱՇԽԱՏԱՆՔԱՅԻՆ ԾՐԱԳՐԻ ԱՐԴՅՈՒՆՔՆԵՐԸ
ՀՀ հանրային ծառայությունները կարգավորող հանձնաժողովի պատվիրակությունը` հանձնաժողովի նախագահ Ռոբերտ Նազարյանի գլխավորությամբ, 2012 թվականի հունիսի 15-ին, երկօրյա աշխատանքային այցով մեկնել է Լեռնային Ղարաբաղի Հանրապետություն:
ՀՀ հանրային ծառայությունները կարգավորող և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովների միջև, 2010 թվականի հոկտեմբերի 10-ին ստորագրված համագործակցության հուշագրի շրջանակներում, կամփոփվեն 2012 թվականի համատեղ աշխատանքային ծրագրի իրականացման վերջին վեց ամիսների արդյունքները, կհստակեցվեն գործունեության առաջիկա կարևորագույն խնդիրները:
Այցի շրջանակներում նախատեսված է հանդիպում Լեռնային Ղարաբաղի Հանրապետության նախագահ Բակո Սահակյանի և Լեռնային Ղարաբաղի Հանրապետության Վարչապետ Արայիկ Հարությունյանի հետ:
ՀՀ հանրային ծառայությունները կարգավորող հանձնաժողով
