Տեղեկացնում ենք, որ 2025 թվականի նոյեմբերի 20-ին ժամը 12։00-ին ՀՀ հանրային ծառայությունները կարգավորող հանձնաժողովում շահագրգիռ կողմերի մասնակցությամբ նախատեսվում է աշխատանքային քննարկում «Վեոլիա Ջուր» ՓԲԸ-ի ներկայացրած սակագների վերանայման հայտի շրջանակում իրականացված մանրածախ ջրամատակարարման ծավալների մոնիթորինգի արդյունքների և խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2026 թվականի սակագների ճշգրտման վերաբերյալ։ սակագների հաշվարկը,    ջրամատակարարման ծավալների մոնիթորինգի արդյունքների վերաբերյալ ամփոփ տեղեկանքը։

  Սույն թվականի նոյեմբերի 13-14-ի և 17-ի ՀԾԿՀ նիստերում քննարկվել է «Հայաստանի էլեկտրական ցանցեր» ՓԲԸ-ի նկատմամբ հարուցված վարչական վարույթը:   Հանձնաժողովի աշխատակազմի կողմից ներկայացվել է մանրամասն զեկույց, որին հաջորդել է կողմերի լայնածավալ հարցուպատասխան։ Հաջորդիվ նիստի մասնակիցները հանդես են եկել ելույթներով, որից հետո ՀԾՀԿ-ն 4 կողմ և 1 դեմ հարաբերակցությամբ քվեարկությամբ ընդունեց որոշում ՝ <<Հայաստանի էլեկտրական ցանցեր>> ՓԲԸ-ի էլեկտրական էներգիայի (հզորության) բաշխման լիցենզիան դադարեցնելու մասին։   Ժամանակավոր կառավարիչը կշարունակի կատարել իր պարտականությունները մինչև անցումային շրջանի ավարտը՝ ապահովելով կայուն և հուսալի էլեկտրամատակարարում։        

  ՀԾԿՀ-ն նախագահելու է ԵՄ Արևելյան Գործընկերության երկրների հեռահաղորդակցության ոլորտը կարգավորող մարմինների ցանցը    Հանրային ծառայությունները կարգավորող հանձնաժողովը ընտրվել է ԵՄ Արևելյան Գործընկերության երկրների հեռահաղորդակցության ոլորտը կարգավորող մարմինների ցանցի նախագահող: Այս օրերին Լատվիայի մայրաքաղաք Ռիգայում տեղի ունեցող` ԵՄ ԱլԳ երկրների հեռահաղորդակցության ոլորտի կարգավորող մարմինների ցանցի (EaPeReg) 26-րդ լիագումար նիստում ՀԾԿՀ-ն հերթական անգամ ընտրվել է նշված ցանցի 2026 թվականի նախագահող, իսկ Չեխիայի հեռահաղորդակցության գրասենյակը (CTU)` փոխնախագահ:   Որպես նախագահող ՀԾԿՀ-ն համակարգելու է ցանցի 2026 թվականի աշխատանքներն` ապահովելով դրա բնականոն գործունեությունը ու զարգացումը` ներառյալ ԵՄ-ի EU4Digital ծրագրի շրջանակում Earnst&Young խորհրդատվական կազմակերպության և Համաշխարհային բանկի փորձագիտական խմբերի կողմից իրականացվող միջոցառումների մասով:   EaPeReg ցանցը կազմում են Հայաստանի, Վրաստանի, Ուկրաինայի, Մոլդովայի և Ադրբեջանի հեռահաղորդակցության ոլորտի կարգավորող մարմինները: Ցանցում գործում են 3 մասնագիտական աշխատանքային խմբեր (լայնաշերտ ինտերնետի զարգացման, ռոումինգի և հաճախականային սպեկտրի), որտեղ ի թիվս նշված երկրների ներկայացուցիչների ներգրավված են նաև ԵՄ հեռահաղորդակցության կարգավորող մարմինների փորձագետները, և նշված 3 խմբերից 2-ը, նույնպես, ղեկավարում/համաղեկավարում է ՀԾԿՀ-ն:    

  Հարգելի ԶԼՄ ներկայացուցիչներ,    2025 թվականի նոյեմբերի 13-ին, ժամը 14:00-ին, Տիգրան Մեծի պող. 4 հասցեում (2-րդ հարկի դահլիճ) տեղի կունենա Հանրային ծառայությունները կարգավորող հանձնաժողովի նիստը, որի օրակարգում կքննարկվի «Հայաստանի էլեկտրական ցանցեր» փակ բաժնետիրական ընկերության էլեկտրական էներգիայի (հզորության) բաշխման №0092 լիցենզիան դադարեցնելու մասին հարցը։   Նիստը լուսաբանելու համար խնդրում ենք նախապես գրանցվել՝ https://forms.gle/zq9nkun8KwswgMDv5։ Գրանցման վերջնաժամկետն է 12․11․25թ.՝ ժամը 12։00։    Լրացուցիչ հարցերի դեպքում՝ Լիանա Ազիզյան Մամուլի քարտուղար Հեռ.: +374 94 068506 Էլ. փոստ:press@psrc.am