600.0081.21.03.12

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

ՈՐՈՇՈՒՄ

21 մարտի  2012 թվականի №81Ա
ք. Երևան

        ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2010 ԹՎԱԿԱՆԻ ՆՈՅԵՄԲԵՐԻ 10-Ի №617Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի օրենքի  5-րդ հոդվածի 1-ին մասի 2-րդ կետի բ) ենթակետը, «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը և հաշվի առնելով «Ղ-Տելեկոմ» փակ բաժնետիրական ընկերության 2012 թվականի փետրվարի 8-ի գրությունը` Հայաստանի Հանրապետության հանրային ծառայությունները կարգավորող հանձնաժողովը  որոշում է.

1. Հայաստանի Հանրապետության հանրային ծառայությունները կարգավորող հանձնա­ժողովի 2010 թվականի նոյեմբերի 10-ի «Ղ-Տելեկոմ» փակ բաժնետիրական ընկերությանը ռադիոհաճա­խականությունների հատվածների օգտա­գործման թույլտվություն տրամադրելու մասին» №617Ա`
   1) որոշման մեջ «2600-2640ՄՀց» բառերը փոխարինել «2500-2520ՄՀց և 2620-2640ՄՀց» բառերով.
   2) որոշմամբ հաստատված №0869 թույլտվության պայմանների 3-րդ գլուխը լրացնել 8.1 կետով` հետևյալ բովանդակությամբ.
   «8.1 Լիցենզավորված անձը Հայաստանի Հանրապետության մարզերում էլեկտրամագնիսական համատեղելիությունն ապահովելու նպատակով պարտավոր է համագործակցել Հայաստանի Հանրապետության պաշտպանության նախարարության և Հայաստանի Հանրապետության կառավարությանն առընթեր ազգային անվտանգու­թյան ծառայության հետ»:
2. «Ղ-Տելեկոմ» փակ բաժնետիրական ընկերությանը` սույն որոշումն ուժի մեջ մտնելու պահից վեցամսյա ժամկետում Հայաստանի Հանրապետության հանրային ծառայությունները կարգավորող հանձնա­ժողով ներկայացնել կապի գծով քաղաքաշինության փաստաթղթերի մշակման լիցենզիա ունեցող անձի կողմից մշակված Հայաստանի Հանրապետության մարզերի ցանցի տեխնիկական նախագիծը` երկու օրինակից:
3. Սույն որոշումն ուժի մեջ է մտնում ստորագրման պահից։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ
     ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ
        ՀԱՆՁՆԱԺՈՂՈՎԻ ՆԱԽԱԳԱՀ՝                      Ռ.ՆԱԶԱՐՅԱՆ

     ք. Երևան
   21 մարտի 2012թ.
    ժամը 16 ⁰⁰