ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

Որոշման տվյալներ

Համար:

699 Ն (Փոփոխող փաստաթուղթ)

Ուժի մեջ է մտնում:

08/01/2011

Տեսակ:

Նորմատիվ(Ն)

Ընդունման ամսաթիվ:

08/12/2010

Ոլորտ:

Էլեկտրական էներգիա

Բնույթ:

Կանոններ

Կարգավիճակ:

գործող փոփոխված

Բովանդակություն

600.0699.08.12.10

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

ՈՐՈՇՈՒՄ

8 դեկտեմբերի 2010 թվականի №699Ն
ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ԴԵԿՏԵՄԲԵՐԻ 27-Ի №358Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 17‑րդ հոդվածի 1-ին մասի ե) կետը և «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը՝ Հայաստանի Հանրապետության հանրային ծառայությունները կարգավորող հանձնաժողովը որոշում է.

Հայաստանի Հանրապետության հանրային ծառայությունները կարգավորող հանձնաժողովի 2006 թվականի դեկտեմբերի 27-ի «Էլեկտրական էներգիայի մատակարարման և օգտագործման կանոնները հաստատելու մասին» №358Ն որոշման 1-ին կետով հաստատված հավելվածում` «Էլեկտրական էներգիայի մատակարարման և օգտագործման կանոններում» (այսուհետ` Կանոններ), կատարել հետևյալ լրացումները և փոփոխությունները.

1) Կանոնների 3-րդ կետի «տեխնիկական պայմաններ`» հասկացությունը «սպառման համակարգը» բառերից հետո լրացնել «նվազագույն ծախսումներով» բառերով.

2) Կանոնների 13.2 կետում «Դիմող անձի սպառման համակարգը էլեկտրական ցանցին նվազագույն ծախսումներով միացման տեխնիկական պայմանները (այսուհետ` տեխնիկական պայմաններ)» բառերը փոխարինել «տեխնիկական պայմանները» բառերով.

3) Կանոնների 77-րդ կետի ե) ենթակետում «50-րդ կետում» բառերը փոխարինել «52-րդ կետում» բառերով.

4) Կանոնների 77-րդ կետի զ) ենթակետում «52-րդ և 54-րդ կետերում» բառերը փոխարինել «53-րդ և 54-րդ կետերում» բառերով.

5) Կանոնների 83-րդ կետում «6(10) կՎ և բարձր լարման ցանցին միանալու դեպքում, բացառությամբ Երևան քաղաքի,» բառերը փոխարինել «էլեկտրական ցանցին միացման դեպքերում» բառերով.

6) Կանոնների 84-րդ կետում «2011» թվերը փոխարինել «2013» թվերով.

7) Կանոնների №2 հավելվածի 2.1 կետի 2-րդ ենթակետը «ավարտել» բառից հետո լրացնել «և կնքել էլեկտրական էներգիայի մատակարարման պայմանագիր» բառերով։